Nasakmit sa Police Regional Office 10 (PRO10) ang kapin P3.5 milyon kantidad sa ilegal nga druga sulod sa usa ka semana nga operasyon nga gipahigayon sa rehiyon gikan Hulyo 11 hangtod 17, 2025.
Gikumpirma sa PRO10 nga 50 ka anti-drug operations ang ilang gipahigayon nga misangpot sa pagdakop sa 78 ka indibidwal ug pagkumpiska sa 469.066 gramos nga shabu ug 3,001.22 gramos nga marijuana.
Sa laing kalihukan, nadakpan usab ang 19 ka tawo sa 15 ka operasyon batok sa illegal gambling ug nakuha ang P5,081 kantidad sa gambling paraphernalia. Nadakpan ang 84 ka wanted persons—pito kanila Most Wanted— samtang 11 ka armas ang nasakmit sa kontra boga operations nga mitultol sa pagdakop sa tulo ka indibidwal.
Gipasalig ni PBGEN Rolindo M. Suguilon nga magpadayon ang PRO10 sa kampanya batok sa tanang porma sa ilegal nga kalihukan aron masiguro ang kalinaw ug kasigurohan sa Northern Mindanao.