Pakyas makab-ot sa pambansang kamao nga si Manny Pacquiao ang kadaugan sa boxing ring batok kang sa WBC Welterweight Champion Mario Barrios, apan natapos ang away sa duha pinaagi sa majority draw human ang 12 ka mainiton nga rounds sa MGM Grand Garden Arena sa Las Vegas.
Bisan 46 anyos na si Pacquiao, gipakita gihapon niini ang iyang kusog, paspas nga lihok, ug kaisug nga mura’g wala nakaapekto sa iyang upat ka tuig nga pahulay gikan sa boxing.
Sa kataposan, nahuman ang away sa majority draw, duha sa mga judge mihatag og score nga 114-114, samtang usa naghatag og 115-113 pabor kang Barrios.
Gumikan niini, nagpabiling nadepensahan ni Barrios ang iyang titulo. Apan daghang fans ug eksperto ang nagtuo nga si Pacquiao ang mas angay nga midaog.
Subay niini, nasakmit usab sa duha ka Pinoy nga boksidor ang kadaogan sa undercard match sa gipahigayong away ni Manny Pacquiao batok kang Mario Barrios, sa may MGM Grand sa Las Vegas, Amerika, ning adlawa.
Si Eumir Marcial midaug via third-round technical knockout batok kang Bernard Joseph.
Nasakamit niini ang titulo pinaagi sa iyang kusog nga mga left hooks sa ikatulo nga round, hinungdan nga iyang napahagba sa ring si Joseph sa ikaduhang higayon alang sa ilang 163 pound catchweight bout.
Gihulatan ni Marcial ang limpyo nga record nga 6 ka daug ug wala pay pildi, diin upat niini via knockout.
Sa pikas bahin, nakab-ot usab ni Mark Magsayo ang kadaogan sa pakig-agbat kang Jorge Mata, pinaagi sa unanimous decision.