Construction worker, arestado sa kasong pagpang-abuso sa bata sa syudad sa Malaybalay

Arestado ang usa ka construction worker sa kasong naglatid sa pagpanghilabot, pagpakaulaw, ug ubang matang sa pang-abuso sa bata sa Barangay 9, syudad sa  Malaybalay.

Giila ang dinakpan nga si Jayson  Saba Gondo, 31 anyos, dunay live-in partner, construction worker, ug residente sa Purok 6, Barangay Sumpong ning syudad.

Kasamtangang anaa na sa kustodiya sa Malaybalay City Police Station si  Gondo, ug gaatubang sa Republic Act No. 7610, o “Special Protection of Children Against Abuse, Exploitation and Discrimination Act,” naglatid sa mga kaso o krimen batok sa pang-abuso sa bata.

Adunay girekomendang pyansa nga P70,000 alang sa kagawasan.