Usa ka Japanese vlogger nga nailhan sa ngalan nga Jonouchi ang nakabig sa usa ka butang nga kaniadto giisip nga pagpanamastamas apan nahimong usa ka tinubdan sa inspirasyon ug kalampusan.
Gumikan sa talagsaong kataas sa iyang suwang, si Jonouchi kanhi biktima sa pagbiaybiay sukad pagkabata, nahimo matud pa siyang kataw-anan sa eskwelahan kaniadto ug gianggaag “Ago,” nga nagpasabot og “suwang” sa Japanese nga lingwahe.
Matud ni Jonouchi, pinakasakit nga bahin sa iyang kasinatian mao ang pagkasalikway kaniadto sa usa ka babaye nga iyang hinigugma tungod lamang sa iyang dagway.
Bisan ang mga doktor naglisod sa iyang kahimtang human sa X-ray, nga hangtod karon wala pa matino ang tinuod nga hinungdan sa iyang kahimtang.
Apan inay nga maluya, gigamit ni Jonouchi ang social media aron ilusad ang usa ka bag-ong hugna sa iyang kinabuhi. Gibansay niya ang iyang kaugalingon isip usa ka vlogger nga adunay labing taas nga suwang sa kalibutan, ug kini nga talagsaon nga pagkatawo ang nakadani sa publiko.
Pinaagi sa iyang positibo nga panglantaw ug kaisog, nakab-ot niya ang suporta sa daghang netizens.
Sa pagkakaron, aduna na kapin 350,000 subscribers sa YouTube ug kapin sa 400,000 ka followers sa ubang plataporma si Jonouchi. Kini i nagpamatuod nga bisan ang mga kahuyang o kapintasan nga giisip sa uban mahimong yawe sa kalampusan kung gamiton sa hustong paagi.