Usec. Claire Castro nagpasa na og courtesy resignation

Mipasa na si Palace Press Officer Undersecretary Atty. Claire Castro sa iyang courtesy resignation.

Ang nasangpit nga lakang subay sa mando ni Presidential Communications Office Acting Secretary Dave Gomez nga magpasa og courtesy resignation sa tanang opisyal sa iyang buhatan.

Ang mando ni Gomez nagkanayon nga hangtod sa Hulyo 18 ang PCO appointees sa pagpasa sa ilang courtesy resignation.

Kahinumdoman nga miluwat si Gomez nga ang hangyo niini nga courtesy resignation sa mga appointees usa ka bahin sa standard transition process.

Gusto usab ni Gomez nga iprioridad ang performance audit sa iyang ahensya.