Gilusad ang committee hearing kagahapong adlawa Hunyo, 14, 2025, aron imbestigahan ang seryosong kapakyasan sa serbisyo sa tubig nga nakaapekto sa Dakbayan sa Malaybalay. Gitambongan kini sa mga konsehal, opisyal sa lokal nga kagamhanan, ug representante sa PrimeWater.
Sa maong Comitte hearing, gibutyag ni Engr. Nolito Binahon sa Malaybalay Water District nga napakyas ang PrimeWater sa pagtuman sa kasabutan ubos sa joint venture, lakip ang pasalig sa 24/7 nga patubig, kalidad nga serbisyo, ug mga programa alang sa katawhan sa syudad sulod sa pipila ka tuig. Matod pa, ang ilang kapakyasan maoy hinungdan sa pagsangpot sa maong imbestigasyon
Sa laing bahin, gibutyag usab ni Jun Caballes Aroa, kanhing MCWD manager, ang katingalahan nga wala matugoti na giaprubahan sa city government ang maong kasabutan o joint venture niini. Gidugang pa niya nga gihimong business tool ang syudad alang sa PrimeWater, nga angay unta ang kontrata tali ra sa city government ug sa Water District.
Apan walay klarong tubag ang maong mga opsiyales sa Prime water, ilabina sa ilang kapakyasan, rason na igo lamang sila nagsunod sa mando sa central office ug naga implementa sa maong kamanduan.Â