Gipahimangnoan ang publiko sa mas lawom nga kadaut sa online gambling nga posibleng makaapekto bisan sa mga menor de edad, tungod sa sayon nga pagpike sa edad sa mga digital platform.
Gipasabot ni Ray Talimio nga nakaapekto na karon ang online gambling sa mga kabatan-onan, nga posibleng makasulod ug makadula bisan wala pa sa hustong edad. Ang kakulang sa regulasyon ug kahibalo sa mga ginikanan ug komunidad maoy nakapadako sa risgo sa kadaut sa pamilyang Pilipino.
Gisugyot ni Talimio nga imbes ipasa ang total ban, mas maayo nga limitahan ang access sa mga legal nga edad ug tukmang grupo lang ang pasudlon. Gikumpara pa niya ang sistema sa Pilipinas sa Singapore, diin gisumpay ang gambling ug turismo isip haligi sa ekonomiya. Apan mitambag pa kini nga kung buhaton man kini sa Pilipinas, dapat adunay klarong limitasyon ug estriktong palisiya.