Gipahibalo ni US President Donald Trump ang bag-ong pagpatuman og taripa sa unom ka mga nasud gipadalhan og sulat ni US President Donald Trump ang unom ka mga nasud nga Algeria, Brunei, Iraq, Libya, Moldova, ug ang Pilipinas kalabot sa bag-ong taripa nga ipatuman.
Ang maong sulat nagpahibalo nga 30 porsyento nga taripa ang ipatuman sa mga produkto nga gikan sa Algeria ug Iraq.
Samtang 25 porsyento ang ibutang sa mga produkto gikan sa Brunei, Libya, ug Moldova.
Ang Pilipinas, sa pikas bahin, adunay 20 porsyentong taripa.
Magsugod sa Agosto 1 ang implementasyon sa maong bagong taripa.
Ang sulat nga gipadala ni Trump misunod sa pagtapos sa 90-ka adlaw nga negosasyon, diin nagsugod ang pagpahamtang og 10 porsyento nga taripa.
Gihatagan ni Trump og higayon ang mga lider sa maong mga nasud nga makignegosasyon hangtod sa deadline nga Agosto 1, apan giinsistir niya nga wala na kini extension alang sa mga nakadawat sa sulat.
Kahinumduman nga niadtong Lunes, gipatuman usab ni Trump og 25 porsyento nga taripa ang mga produkto nga gikan sa Japan ug South Korea.