Giila sa Guinness World Records ang taga-Hong Kong nga si Hailey Yu human siya nakapundok og 2,882 ka nagkalain-laing butang nga adunay kalabotan kang Pikachu, nga opisyal nang na-verify niadtong Disyembre 21, 2025.
Nagsugod ang iyang pagpangolekta niadtong 2013 pinaagi sa usa ka plush toy nga regalo sa iyang pamilya, ug karon naglakip na kini sa mga figures, stationery, gamit sa kusina, ug uban pang memorabilia nga gibanabanang mokabat sa US$89,000 hangtod US$117,000 ang balor.
Matod ni Yu, paborito gihapon niya si Pikachu tungod sa suod nga panaghigalaay niini kang Ash sa anime nga susama sa iyang pagmahal sa mga binuhing hayop, samtang nagplano usab siya nga magpahigayon og kaugalingong exhibition ug ipakita ang kultura sa Hong Kong pinaagi sa iyang content.

