Mideklarar og krisis sa hulaw ang mga nasud sa Fiji ug Tonga sa South Pacific tungod sa grabeng kakulang sa tubig ug pag-init sa panahon nga dala sa El Niño.
Gideklarar sa Fiji ang nationwide disaster human moabot na sa kritikal nga ang-ang ang epekto sa hulaw, diin gipakatap na ang mga water truck aron hatagan og tubig ang mga apektadong komunidad, matod ni Prime Minister Sitiveni Rabuka.
Samtang nagpatuman usab ang Tonga og 27 ka adlaw nga state of emergency aron mapadali ang paghatod og hinabang ug matubag ang dakong kadaot sa suplay sa tubig, agrikultura, kahayupan, ug panglawas sa mga molupyo, sumala kang Acting Prime Minister Viliami Latu.

