Opisyal nang gilagdaan sa Pilipinas ug Chile ang Comprehensive Economic Partnership Agreement (CEPA)โang labing unang free trade agreement sa nasud uban sa usa ka estado sa South Americaโatol sa bilateral meeting nilang Pangulong Ferdinand Marcos Jr. ug Chilean President Jose Antonio Kast sa sidelines sa APEC Economic Leaders’ Meeting sa Shenzhen, China karong adlawa, Huwebes, Nobyembre 19.
Gipadayag ni Pangulong Marcos nga mahinungdanon ang maong kasabutan aron mapalig-on ang supply chain sa Pilipinas ug maablihan ang bag-ong mga oportunidad sa patigayon tali sa duha ka nasud nga adunay 80 ka tuig nang diplomatikong relasyon.
Pinaagi sa CEPA, gilauman nga mas modako pa ang pagluwas sa Pilipinas og mga produkto sama sa lubi ug electronics ngadto sa Chile, samtang mas sayon na usab ang pagpasulod sa nasud og mga produkto sa agrikultura ug copper ores gikan sa maong Latin American nation.

