Pumanaw na ang Irish boxer nga si Lee “El Champo” Reeves human sa tulo ka bulan nga pakigbisog sa iyang kinabuhi, human ma-knockout sa usa ka boxing match niadtong Agosto 1 sa Dublin, Ireland.
Nakigsangka si Reeves kang Gary Cully alang sa BUI Celtic Light-Welterweight title, apan napildi sa ika-10 nga round human kaduha mapukan.
Gidala dayon siya sa ospital diin gioperahan sa wala pa gipailalom sa medically induced coma tungod sa iyang kritikal nga kondisyon.
Nagpaabot sa ilang pakikiramay ang iyang coach nga si Jonathan O’Brien ug ang iyang kataposang kaatbang nga si Cully, kinsa mihatag og pasidungog sa iyang kaisog ug maayong pagkatawo.
Gawas sa boksing, nailhan usab si Reeves isip tigpasiugda sa mental health awareness ug ambassador sa Limerick Treaty Suicide Prevention group.

