Misupak ang mga progresibong grupo ug estudyante sa Mindanao sa Pax Silica, usa ka inisyatiba nga nagpalig-on sa pakigtambayayong sa Pilipinas ug Estados Unidos sa semiconductor, artificial intelligence o AI, ug suplay sa importanteng mineral.
Matud ni Kiana Aniana, Mindanao Convener sa UP Stand Against Pax Silica, nagduda sila sa tinuod nga kaayohan niini alang sa Pilipinas, ilabina sa pagmugna og trabaho ug pagpalambo sa lokal nga industriya.
Gikuwestiyon usab ni Aniana ang kakulang sa klarong mga lakang sa gobyerno aron masiguro ang kaayohan sa maong inisyatiba alang sa mga Pilipino.
Isip kabahin sa ilang kampanya, padayon nga giawhag sa grupo ang mga estudyante ug kabatan-onan nga mosalmot sa ilang panawagan nga supakon ug isalikway ang Pax Silica.

