HomeLocal NewsSingapore, mipuli sa Pilipinas isip ASEAN Chair sa 2027; Trump, mipasalamat sa...

Singapore, mipuli sa Pilipinas isip ASEAN Chair sa 2027; Trump, mipasalamat sa malampusong hosting sa 49th Summit

- Advertisement -

Pormal nang gitugyan sa Singapore ang pagpangulo sa Association of Southeast Asian Nations (ASEAN) alang sa 2027 human ipasa ni Presidente Ferdinand Marcos Jr. kang Singapore Prime Minister Lawrence Wong ang simbolikong gavel atol sa closing ceremony sa 49th ASEAN Summit and Related Summits.

Gidayeg ni Wong ang Pilipinas tungod sa malampusong pagdumala sa ASEAN isip chair karong 2026, diin nagpabiling nagkahiusa ang mga miyembro bisan pa sa nagkadaiyang hagit sa rehiyon ug sa tibuok kalibotan.

Samtang, gidasig ni US President Donald Trump si Marcos nga direktang ipahibalo kang US Secretary of State Marco Rubio ang mga problema ug kabalaka sa Pilipinas, ug mibiro nga iyang tangtangon sa puwesto si Rubio kon dili motubag sa tawag.

- Advertisement -

Nagpahigayon usab si Trump og panagtigom uban sa mga lider sa QUAD nga gilangkuban nila Japanese Prime Minister Sanae Takaichi, Australian Prime Minister Anthony Albanese ug Indian Prime Minister Narendra Modi, diin gipasalig niini ang lig-on nga kooperasyon ug suporta sa mga nasod sa Asya.

Gidayeg usab ni Trump ang Pilipinas tungod sa malampusong pag-host sa 49th ASEAN Summit, nga nagtimaan sa pagtapos sa pagpangulo sa nasud sa organisasyon karong tuiga.

- Advertisement -
RELATED ARTICLES
- Advertisment -

MORE NEWS