HomeLocal NewsPilipinas ug Japan, naglatid og mga lakang aron mapalig-on ang seguridad sa...

Pilipinas ug Japan, naglatid og mga lakang aron mapalig-on ang seguridad sa enerhiya sa Asya

- Advertisement -

Nagkahiusa ang Pilipinas ug Japan sa pagpalig-on sa seguridad sa enerhiya ug pagpalambo sa limpyo nga enerhiya sa Asya pinaagi sa Asia Zero Emission Community o AZEC atol sa 4th AZEC Leaders’ Meeting.

Gipasiugda ni Japanese Prime Minister Sanae Takaichi ang pagpatuman sa Asia Oil Security Task Force nga magtakda og mga pamaagi sa pagpagawas ug pagbalhin sa suplay sa lana panahon sa emerhensya, lakip ang pagtukod og sentro sa operasyon niini sa Tokyo.

Gisugyot usab ni Takaichi ang paggamit sa mga bakanteng tangke sa lana sa Japan aron masuportahan ang joint stockpiling scheme nga gipangulohan sa Pilipinas.

- Advertisement -

Samtang, gipadayag ni Presidente Ferdinand Marcos Jr. nga nagpabiling bulnerable ang Asya sa suplay sa enerhiya tungod sa mga pagsira sa importanteng ruta sa lana sama sa Strait of Hormuz.

Tungod niini, gipaspasan sa Pilipinas ang pagpalambo sa strategic petroleum reserve ug pagpamuhunan sa renewable energy, modernisasyon sa power grid, energy storage ug nuclear power.

Tumong sa nasud nga makab-ot ang labing menos 25 gigawatts nga renewable energy capacity sa 2035 ug mapataas sa 50 porsiyento ang bahin niini sa power generation mix pagsapit sa 2040.

- Advertisement -

Sa kataposan, gipasiugda ni Marcos ang panginahanglan sa mas lig-ong pagtinabangay ug pagpaambit sa impormasyon tali sa mga nasod nga prodyuser ug konsumidor sa lana aron maseguro ang lig-on ug kasaligan nga suplay sa enerhiya sa rehiyon.

- Advertisement -
RELATED ARTICLES
- Advertisment -

MORE NEWS