Gibana-banang mokabat sa 10,000 ka mga raliyista ang gilauman nga moapil sa protesta batok sa pagbisita ni United States President Donald Trump sa Pilipinas alang sa ika-49 nga ASEAN Summit karong Martes.
Una nang nagtigom ang mga nagprotesta sa daplin sa Padre Burgos Avenue sa Manila aron ipahayag ang ilang pagsupak sa pagtambong ni Trump sa summit ug sa pag-apil sa Pilipinas sa Pax Silica initiative.
Misangko sa panagbangga tali sa mga raliyista ug kapulisan ang protesta duol sa Liwasang Bonifacio, diin 11 ka indibidwal, lakip ang usa ka menor de edad, ang gidakop sa Manila Police District (MPD).
Matud sa Philippine National Police (PNP), adunay mga pulis nga naangol human matumbahan sa mga butang nga giitsa sa mga nagprotesta ug tungod usab sa panag-away tali sa duha ka kampo.

