Gipalawig sa San Antonio Spurs ngadto sa 12 ka sunod-sunod nga kadaugan ang ilang winning streak human pildihon ang Utah Jazz, sa iskor nga 110-102.
Nanguna si Dylan Harper sa Spurs pinaagi sa 31 puntos, samtang mitampo si Victor Wembanyama og 26 puntos, 11 ka rebounds, unom ka assists ug lima ka blocks. Sa laing bahin, ika-12 na kini nga sunod-sunod nga kapildihan sa Jazz.
Samtang, ikawalo na ka sunod-sunod nga kadaugan ang naangkon sa Los Angeles Lakers human pildihon ang Phoenix Suns, sa iskor nga 131-123, diin nanguna si Luka Doncic nga nakaiskor og 43 puntos bisan wala makaduwa si Austin Reaves tungod sa samad sa tikod.

