HomeLocal NewsPagbalhin ngadto sa renewable energy gipanawagan sa UN sa mga lider sa...

Pagbalhin ngadto sa renewable energy gipanawagan sa UN sa mga lider sa ASEAN

- Advertisement -

Nanawagan si United Nations Secretary-General António Guterres sa mga lider sa ASEAN nga paspason ang pagbalhin gikan sa fossil fuels ngadto sa renewable energy aron malikayan ang pagsalig sa nag-usab-usab nga presyo sa lana ug mapalambo ang mas barato ug luwas nga tinubdan sa kuryente.

Atol sa press briefing sa International Media Center alang sa ika-49 nga ASEAN Summit sa kaulohan, gipasiugda ni Guterres nga ang tensiyon sa Strait of Hormuz ug Bab el-Mandeb nakapadugang sa gasto sa panginabuhi sa publiko, samtang mikabat sa 95 bilyones dolyares ang hiniusang ginansya sa siyam ka dagkong kompanya sa fossil fuel industry sa unang quarter pa lang karong tuiga.

Giduso usab sa UN Chief ang pagtriple sa pinansyal nga tabang gikan sa mga adunahang nasud alang sa climate adaptation ug disaster resilience sa rehiyon nga kanunay maigo sa kusog nga bagyo, hulaw, ug pagbaha, ilabi na sa gipaabot nga epekto sa El Niño.

- Advertisement -

Sa laing bahin, gidayeg ni Guterres ang Pilipinas tungod sa malampusong pagpahigayon sa labing unang parliamentary elections sa Bangsamoro Autonomous Region in Muslim Mindanao (BARMM), nga mahimo usab nga ehemplo sa internasyonal nga komunidad.

- Advertisement -
RELATED ARTICLES
- Advertisment -

MORE NEWS