HomeLocal NewsMas lig-on nga kooperasyon sa ASEAN ug dialogue partners gipanawagan ni PBBM...

Mas lig-on nga kooperasyon sa ASEAN ug dialogue partners gipanawagan ni PBBM alang sa kalinaw ug kalamboan

- Advertisement -

Nanawagan si Pangulong Ferdinand Marcos Jr. og mas lig-on nga panagtambayayong tali sa mga miyembro sa Association of Southeast Asian Nations (ASEAN) ug sa mga dialogue partners niini aron mapalambo ang ekonomiya, seguridad, ug kalinaw sa rehiyon atol sa nagpadayong ika-49 nga ASEAN Summit sa kaulohan.

Sa sunod-sunod nga mga tigom uban sa mga lider sa Australia, South Korea, Japan, ug United Nations (UN), gilatid sa Pangulo ang mga prayoridad nga naglakip sa maritime security, cybersecurity, pagbatok sa transnational crimes sama sa human trafficking ug online scams, ingon man ang pagpalambo sa patigayon, limpyo nga enerhiya, ug artificial intelligence.

Sa maong panagtigom, mipasalig si Australian Prime Minister Anthony Albanese nga dugangan pa ang pamuhunan sa rehiyon ubos sa Southeast Asia Economic Strategy to 2040 human miabot sa 197.5 bilyones Australian dollars ang ilang bilateral trade, samtang giduso usab ni South Korean President Lee Jae-myung ang bag-ong inisyatiba sa teknolohiya ug pagbatok sa krimen.

- Advertisement -

Sa laing bahin, gidayeg ni UN Secretary-General António Guterres ang malampusong eleksyon sa Bangsamoro Autonomous Region in Muslim Mindanao (BARMM) ug gipasalig ang padayong suporta sa UN alang sa pagsulbad sa krisis sa Myanmar ug sa pagkab-ot sa Sustainable Development Goals (SDGs) sa tuig 2030.

- Advertisement -
RELATED ARTICLES
- Advertisment -

MORE NEWS