Gihulagway ni Chinese Premier Li Qiang nga “hinog ug lig-on” ang kooperasyon tali sa China ug sa Association of Southeast Asian Nations (ASEAN) bisan pa sa nagpadayon nga geopolitical tensions sa kalibotan, atol sa ika-29 nga ASEAN-China Summit sa Pasay City niadtong Lunes, Nobyembre 16.
Gipasigarbo ni Li nga misaka og 29.6 porsyento ang ilang patigayon sa unang napulo ka bulan karong tuiga ug milapas na sa $500 bilyones ang two-way investment, lakip na ang dagkong proyekto sama sa Jakarta-Bandung High-Speed Railway ug China-Laos Railway.
Sa laing bahin, gipadayag ni Pangulong Ferdinand Marcos Jr. nga magpadayon ang Pilipinas ug China sa pagpangita og komon nga baruganan ug makahuluganon nga panagtambayayong, bisan pa man nga nagpadayon gihapon ang negosasyon sa South China Sea Code of Conduct.

