HomeUncategorizedHouse prosecution, kampante nga igo na ang ebidensya batok kang VP Sara...

House prosecution, kampante nga igo na ang ebidensya batok kang VP Sara sa alegasyon sa kapin P800 milyong unexplained wealth

- Advertisement -

Ang House prosecution panel, puno sa pagsalig sa ilang gilatag nga ebidensya, pormal nang gipahulay ang kaso batok kang Vice President Sara Duterte kalabot sa alegasyon sa “unexplained wealth” ug mga undeclared assets nga mikabat sa kapin P800 milyong piso.

Si Atty. Benjamin “Jay” Tolosa Jr., legal spokesperson ug private prosecutor sa House prosecution panel, mipahayag nga dili na nila kinahanglan pa ang dugang ebidensya aron pamatud-an ang giingong wala gideklara nga yaman.

Kini nga mga kabtangan ug transaksyon giingong nalambigit kang Bise Presidente Duterte ug sa iyang bana, si Atty. Manases “Mans” Carpio.

- Advertisement -

Ang maong kantidad naggikan sa detalyadong pagsusi ni prosecution witness ug forensic accounting expert Alexander Cabrera sa mga bank records, tax documents, corporate records, ug Statements of Assets, Liabilities and Net Worth (SALN) sa magtiayong Duterte-Carpio gikan sa tuig 2022 hangtod 2025.

Lakip sa mga pangunang gilatag sa prosekusyon mao ang giingong wala gideklara nga mga bank account, transaksyon, ug uban pang pinansyal nga interes sa Bise Presidente ug sa iyang asawa.

Human pormal nga gipahulay sa prosekusyon ang ilang kaso, karon ang higayon na sa depensa nga tubagon ug pamatud-an nga bakak ang maong mga alegasyon.

- Advertisement -

Sa pikas bahin, si House Deputy Speaker ug Iloilo Representative Janette Garin miinsister nga si VP Duterte mismo ang labing maayong makahatag og katin-awan ug makapanghimakak sa mga pasangil batok kaniya.

Matud ni Garin, importante nga pahimuslan sa Bise Presidente ang kahigayonan nga gihatag sa impeachment court aron personal nga tubagon ang mga isyu nga gibato kaniya.

Kini usab ang labing maayong higayon ni VP Duterte aron limpyohan ang iyang ngalan ug pamatud-an ang iyang habig atubangan sa mga senator-judges.

Sa unang semana sa presentasyon sa depensa, unom ka testigo ang mihimo sa ilang testimonya sa impeachment court.

Apan, 18 sa unang 24 ka nakalista nga testigo ang wala na gipadayon o wala na kinahanglana nga moharap.

Samtang, si Atty. Michael Poa, tigpamaba sa depensa, miingon nga aduna pa silay walo ngadto sa napulo ka testigo nga gilauman nilang iharap sa dili pa hingpit nga matapos ang ilang presentasyon sa ebidensya.

- Advertisement -
RELATED ARTICLES
- Advertisment -

MORE NEWS