- Advertisement -
Naangol ang duha ka drayber sa motorsiklo human magbangga ang ilang mga sakyanan sa Purok 1, Barangay Talahiron, Kibawe, Bukidnon, alas 2:35 sa hapon niadtong Nobyembre 11, 2026.
Dali nga mitubag ang mga personahe sa MDRRMO Kibawe ug gihatagan og unang tabang ang mga biktima nga lumulupyo sa Barangay Cagawasan ug Barangay Sanipon. Gidala dayon sila sa Bukidnon Provincial Hospital–Kibawe alang sa dugang nga pagtambal.
Gipahimangnoan ang mga motorista nga mag-amping, maghinay sa pagmaneho ug mosunod sa mga balaod sa trapiko aron malikayan ang mga disgrasya.
- Advertisement -