Kinahanglan nga adunay kaisog, kahibalo ug patas ang mamahimong sunod nga Ombudsman. Kini ang gisugyot ni Palace Press Officer Usec. Claire Castro, subay sa gikatakdang pagretiro ni Ombudsman Samuel Martires sa Hulyo 27, 2027.
Matod ni Usec. Claire Castro, wala pa’y napili si Pangulong Ferdinand Marcos nga mahimong mohulip i ni Ombudsman Martires. Naghulat pa usab ang Malacañang sa shortlist nga ihatag sa Judicial and Bar Council (JBC) nga pagapilian ni Pangulong Marcos Jr.Dunay 17 ka aplikante nga misumite sa ilang aplikasyon aron mahimong sunod nga Ombudsman.
Apil sa mga aplikante mao si Justice Secretary Jesus Crispin Remulla.Sumala sa JBC, ipahigayon ang public panel interviews sa mga aplikante sa Hulyo 30, 31, Agosto 1, ug Agosto 4, 2025.
Responsibilidad sa Ombudsman ang pag-imbestiga ug pagsaka sa kaso batok sa mga opisyal sa gobyerno nga gipasanginlang nakalapas sa balaod sama sa kurapsyon apil na ang pang-abuso sa katungdanan.