Upat patay lakip ang duha ka bulan nga bata sa pag-atake sa military base sa Colombia

Namatay ang upat ka sibilyan, lakip ang usa ka duha ka bulan nga sanggol, human gipuntirya sa mga armadong grupo ug drug gangs ang usa ka military base sa Planadas, Tolima province, habagatang Colombia.

Giatake ang himpilan gamit ang improvised rocket nga hinimo gikan sa gas cylinders, nga nakaapekto usab sa kasikbit nga ospital ug mga kabalayan.

Tungod sa insidente, gihimo sa lokal nga gobyerno ang usa ka eskwelahan isip temporaryong pasilidad sa panglawas.

Samtang, misaad si Colombia President Abelardo de la Espriella nga gamiton ang tibuok puwersa sa estado aron atubangon ug tapuson ang mga kriminal nga grupo sa maong rehiyon.