34-anyos nga Suspek sa Rape Tingkagol sa Bilangguan Human sa Daghang Tuig nga Pagtago sa Bukidnon

Nasikop sa kapulisan ang usa ka 34-anyos nga lalaki atol sa operasyon sa Purok 3, Barangay Balangigay, Kitaotao, Bukidnon, alas-3:30 sa hapon niadtong Nobyembre 2, 2026, gumikan sa kasong rape.

Ang dinakpan giila nga si Jonnifer Noynay Lorre, minyo ug mag-uuma nga residente sa Sitio Bagaay, Barangay Kalabugao, Impasugong. Gidala kini sa Kitaotao Municipal Police Station human ipatuman ang warrant of arrest nga gipagawas niadtong Hulyo 4, 2014, diin walay piyansa nga girekomenda.

Gipahibalo ni Bukidnon Police Provincial Director PCOL Oliver Sotto Navales nga anaa na sa kustodiya sa kapulisan ang suspek alang sa dokumentasyon ug hustong disposisyon sa kaso.