34-anyos nga lalaki nasikop sa San Fernando tungod sa qualified theft

Nasikop sa kapulisan ang usa ka 34-anyos nga lalaki atol sa operasyon sa Sitio Malambago, Barangay Magkalungay, San Fernando, Bukidnon, alas-6:45 sa gabii niadtong Nobyembre 2, 2026, tungod sa kasong qualified theft.

Giila ang dinakpan nga si Jeffrey Amas Madaya, minyo ug walay trabaho, nga residente sa Purok 4, Pineville, Barangay San Jose, Malaybalay City. Gidakop siya pinasikad sa warrant of arrest nga gipagawas niadtong Enero 23, 2026, kalabot sa paglapas sa Article 310 sa Revised Penal Code. Gibutang sa ₱24,000 ang girekomendar nga piyansa alang sa iyang temporaryong kagawasan.

Gidala ang suspek sa San Fernando Municipal Police Station alang sa dokumentasyon ug hustong disposisyon sa kaso, sumala sa Bukidnon Police Provincial Office.