Giaprobahan sa Estados Unidos ang pagbaligya sa 500 ka Patriot interceptor missiles nga nagkantidad og $2.1 bilyon ngadto sa Ukraine aron mapalig-on ang depensa niini batok sa nagpadayong pag-atake sa Russia.
Gipahayag sa US State Department nga ang maong mga missile popondohan sa mga kaalyadong nasod sa Europa ug Canada pinaagi sa espesyal nga programa ug pautang gikan sa European Union.
Bisan pa niini, gipasidan-an ni Ukrainian President Volodymyr Zelensky nga posibleng moabot pa og pipila ka tuig ang paghatod sa mga missile tungod sa limitadong suplay ug taas nga proseso sa produksyon.
Sa laing bahin, nagpadayon ang mga pag-atake sa Russia sa imprastraktura sa enerhiya sa Ukraine, nga nagdugang sa panginahanglan sa nasod og mas lig-ong depensa sa kahanginan atol sa tingtugnaw.