Gipahayag ni House prosecution panel spokesperson Rep. Zia Alonto Adiong ang kamahinungdanon sa pagrepaso sa mga proyekto nga gilakip sa 2027 national budget aron masiguro nga husto ang mga alokasyon ug matubag ang tinuod nga panginahanglan sa publiko.
Matud ni Adiong, dili ang kadako sa pondo nga madawat sa usa ka distrito ang nag-unang sukdanan, kondili ang panginahanglan ug hustong pagpatuman sa mga proyekto nga gisuportahan sa maong alokasyon.
Samtang, gipasalig ni Adiong nga ang Bicameral Conference Committee maoy motan-aw sa nagkasumpaki nga mga probisyon sa bersiyon sa badyet sa Senado ug Kamara, lakip ang posibleng sayop sa mga koordinado o detalye sa mga proyekto, sa dili pa maaprobahan ang General Appropriations Act.
May kalabotan usab sa petisyon sa duha ka senador nga nangayo og pagrepaso sa pag-aprobar sa Senado isip impeachment court, gipahayag ni Adiong nga motuman ang Kamara sa bisan unsang direktiba sa Korte Suprema.
Samtang magpabilin ang tumong sa prosecution panel nga mapamatud-an ang ilang kaso pinaagi sa ebidensiya.