Piso, mihuyang sa bag-ong rekord nga ₱64.17 kada dolyar

Misaka sa ₱64.17 kada dolyar ang pagsira sa kantidad sa piso niadtong Martes, Oktubre 27, nga maoy labing ubos nga rekord sa lokal nga kuwarta human kini mihuyang og 22 sentimos gikan sa miaging ₱63.95 kada dolyar, sumala sa Bankers Association of the Philippines.

Ang padayong paghuyang sa piso mahimong mopamahal sa mga produktong giangkat gikan sa gawas sa nasud, lakip ang lana, gasolina, coal ug liquified natural gas, nga posibleng makadugang sa gasto sa kuryente ug transportasyon.

Gibutyag usab sa mga ekonomista nga ang taas nga presyo sa lana sa merkado sa kalibotan ug ang kawalay kasigurohan sa ekonomiya nagdugang sa presyur sa piso, bisan pa sa pagpataas sa Bangko Sentral ng Pilipinas sa interest rate.