Gipangayo ni House impeachment spokesperson Ace Barbers ang pagpasabot ni Bise Presidente Sara Duterte sa kalainan sa iyang deklarasyon sa Statement of Assets, Liabilities and Net Worth o SALN ug mga rekord sa bangko.
Matud ni Barbers, kapin sa P817.87 milyong bahandi ang giingong wala maideklarar o dili maipasabot gikan sa 2022 hangtod 2025, base sa pagtuki sa forensic accounting expert nga si Alexander Cabrera.
Matud pa ni Barbers, ang mga dokumentong gigamit sa prosekusyon naggikan mismo sa kampo sa bise presidente, lakip ang mga rekord sa SALN ug bangko.
Gipahayag ni Barbers nga kinahanglan og mas klarong pagpasabot ang kalainan sa deklaradong kuwarta ug sa aktuwal nga balanse sa mga account sa bangko.
Bisan pa sa pagsalig sa prosekusyon sa ilang mga ebidensiya, gipaabot gihapon ang tubag sa kampo ni Duterte, nga misupak sa interpretasyon sa mga rekord.