Iran, giakusahan ang US nga dili seryoso sa negosasyon sa kalinaw

Giakusahan sa Iran ang Estados Unidos nga dili seryoso sa negosasyon alang sa kalinaw tungod sa padayong pagbutang og estriktong kondisyon nga nakapalisod sa diplomatikong panag-istoryahanay.

Matod ni Iranian Foreign Ministry Spokesperson Esmaeil Baqaei, lisod saligan ang Washington tungod sa mga aksyon niini bisan pa sa mga panawagan alang sa negosasyon aron mahupay ang tensiyon tali sa duha ka nasod.

Samtang, mikunhod ang presyo sa lana sa merkado tungod sa paglaom nga mohubas ang tensiyon tali sa Iran ug Estados Unidos.

Sa laing bahin, nagpabilin ang kabalaka sa merkado tungod sa mga pag-atake sa mga imprastraktura sa Saudi Arabia nga posibleng makaapekto sa suplay sa lana.