Piso, mihuyang pag-usab sa bag-ong rekord nga P63.95 kada dolyar

Misubsob sa bag-ong rekord ang kantidad sa piso batok sa dolyar human mosira sa P63.95 kada dolyar niadtong Lunes, Oktubre 26, nga pinakaduol na sa P64 nga lebel.

Base sa datos sa Bankers Association of the Philippines, mas huyang kini og 33.5 sentimos kumpara sa miaging rekord nga P63.615 kada dolyar niadtong Oktubre 23.

Kini na ang ika-32 nga higayon karong tuiga nga nakarekord og bag-ong pinakaubos nga pagsira ang piso.

Matud sa mga ekonomista, ang paghuyang sa piso mahimong mopataas sa gasto sa mga produktong giangkat gikan sa gawas sa nasud, lakip ang lana, ug makadugang sa presyur sa presyo sa mga palaliton ug sa bayranan sa utang nga dolyar ang kuwarta.