Misaka ang supply sa bugas sa Pilipinas og 3.5 porsyento ngadto sa kapin 2.24 milyones ka metric nga tonelada niadtong bulan sa Hunyo, itandi kini sa susamang panahon sa milabayng tuig, kini subay sa data sa Philippine Statistics Authority kon (PSA).
Matud sa PSA, mas taas kini sa 80,000 metric tons (MT) sa 2.16 milyones ka MT nga narehistro niadtong Hunyo 1 sa miaging tuig. Ang pagtaas giandam alang sa mas dako panginahanglanon sa mga panimalay ug sa National Food Authority (NFA) aron masiguro nga walay kakulangon sa pagkaon.
Apan bisan pa sa tinuig nga pagsaka, mas ubos kini kon ikumpara sa buwan sa Mayo. Ang imbentaryo sa bugas karong Hunyo anaa sa 2.9% ang pagkunhod gikan sa 2.31 milyones ka MT nga narekord sa bulan Mayo.
Gibana-bana sa PSA nga 44.7% sa mga stock gikan sa mga panimalay, 36.4% sa sektor komersyal, samtang 18.9% ang natigom sa mga bodega sa NFA.
Kini nga indikasyon nagpakita sa positibong timailhan sa nga adunay maayo nga suplay sa bugas sa nasud bsan nasinatian ang pag ubos sa supply sa kamerkaduhan.