Sikop ang tulo ka indibidwal sa managlahing operasyon sa kapulisan sa Bukidnon niadtong kagahapong, tungod sa mga kaso sa paglapas sa B.P. 22, R.A. 9262 ug malicious mischief.
Sa Valencia City, nadakpan ang 50-anyos nga si Ramil Chavit Bonane takna sa alas 8:34 sa gabii sa Barangay Poblacion pinaagi sa warrant of arrest alang sa unom ka kaso sa Bouncing Check Law o B.P. 22, nga adunay girekomendang piyansa nga 18 mil pesos.
Sa Maramag, nadakpan usab alas 9:45 sa buntag sa Barangay Dagumbaan si 56-anyos Ricardo Ancog Maliza pinaagi sa warrant of arrest tungod sa paglapas sa R.A. 9262 o Anti-Violence Against Women and Their Children Act, nga adunay girekomendar nga piyansa nga mukabat sa 120 mil pesos.
Samtang sa Kitaotao, nadakpan pasado alas 5:30 sa hapon sa Barangay Kimolong ang 51-anyos Ruel Butanas Colipano Sr., alyas Wel, tungod sa kasong malicious mischief, nga adunay girekomendang piyansa nga 1,000 pesos.
Ang tulo ka mga dinakpan anaa na sa kustodiya sa tagsa-tagsa nilang police station alang sa dokumentasyon ug hustong disposisyon.