Netanyahu, giisip nga teroristang pag-atake ang pagpangdunggab sa piloto

Giisip ni Israeli Prime Minister Benjamin Netanyahu nga tangkang teroristang pag-atake batok sa Israel ug United Arab Emirates ang insidente sa pagsaksak sa usa ka piloto sa iyang kauban nga piloto.

Gipaila ni Netanyahu ang biktima nga si Smit Machchhar, usa ka piloto gikan sa India, ug gidayeg ang kapitan sa eroplano tungod sa pagluwas sa 174 ka pasahero.

Bisan nasamdan, nakigbisog gihapon ang kapitan ug giablihan ang pultahan sa cockpit aron maalerto ang mga pasahero. Tungod sa insidente, napugos ang eroplano sa paghimo og emergency landing sa Saudi Arabia.

Nakigsulti usab si Netanyahu sa mga pasahero aron mahibaloan ang ilang kasinatian atol sa insidente.