Sugdan na sa tuig 2026 ang programa para sa rehabilitasyon sa EDSA ug ang pagpatuman sa odd-even scheme.
Sumala ni Department of Public Works and Highways (DPWH) Secretary Manuel Bonoan, mahimong babag ang ting-ulan ilabi na nga panahon karon sa ting bagyo ug ang umaabot nga Christmas rush karong mga “Ber” months nga makaapekto sa maong proyekto.
Maoy target niini nga unahon sa repair mao ang mga kabahin sa EDSA nga sagad dili agianan sa daghang sakyanan.
Gikonsiderar usab nila ang paggamit og modernong teknolohiya aron mapadali ang rehabilitasyon sa 23.8 kilometro nga makasaysayanong highway sa Metro Manila.
Ang maong proyekto adunay kantidad nga gikan sa P8 hangtod P17 bilyones pesos.
Gitakda nga ilang Isumite ang rekomendasyon ngadto kang Pangulong Ferdinand Marcos Jr. human pinal na ang teknolohiya nga gamiton para sa EDSA rehabilitation.