Gikumpirma ni Engr. Nolito Binahon, General Manager sa Malaybalay Water District, nga wala natuman sa PrimeWater ang 100% nga mga gisaad nga proyekto subay sa kontrata.
Giklaro usab ni Binahon, nga ang joint venture government initiative diin giawhag ang pribadong kompanya sa pag-invest aron sa paghatag og dugang serbisyo apan gikasubo nga pakyas sa pagtuman ang PrimeWater.
Miluwat si Binahon, adunay dapat rehabilitation sa linya sa tubig nga himuon sa management, apil na ang pagdugang sa reservoir, ug 3 ka water treatment sources niini.
Gumikan sa kapakyasan sa pagtuman sa kontrata, gihatagan na og ultimatum ang PrimeWater diin nagpasabot nga kinahanglan nga mutuman kini sa gisaad nga serbisyo sa suplay sa tubig ngadto sa mga kabalayan.
Matud ni Binahon, nagpadala ang ilang buhatan sa notice of non-compliance o pre-termination notice sa kadagkoan sa prime water.