Napakyas ang Alas Pilipinas Men’s Volleyball Team sa ilang unang duwa sa Pool D batok sa South Korea human napildi sa tulo ka sunod-sunod nga set, 16-25, 25-27, ug 22-25, diha sa nagpadayon nga 2026 Asian Games sa Park Arena Komaki, Japan.
Nanguna sa pagpuntos alang sa Pilipinas ang team captain nga si Bryan Bagunas nga nakatala og 15 puntos, samtang nidugang si Joshua Magalaman og 13 puntos ug si Leo Ordiales og 11 puntos. Bisan pa man sa gipakitang pakigbatok sa national team diha sa ikaduha ug ikatulo nga set, ang mga pagkabalda ug mga kasaypanan sa hinungdanong bahin sa duwa ang naghatag og higayon sa South Korea aron sirad-an ang maong sangka.
Tungod sa maong kapildihan, napaubos sa 0-1 nga rekor ang Pilipinas sa Pool D, diin nakatakda nilang harongon ang kapundokan sa China alang sa ilang sunod nga krusyal nga duwa.