Gikumpirma sa aktres nga si Bela Padilla nga nagbulag na sila sa tech CEO ug iyang kanhi karelasyon nga si Martin Tan human sa pipila ka bulan nga paghinigugmaay.
Diha sa iyang gipagawas nga pahayag sa Instagram, gipadayag ni Padilla nga nakahukom silang duha nga magbulag ug magpadayon sa ilang kinabuhi sa magpalahi nga dalan aron mapreserbar ang maayong pagtan-aw ug pagtamod sa usag usa. Matud pa sa aktres, kinahanglan usahay nga buhian ang usa ka tawo aron dili mawala ang mga maayong bahin nga ilang nakita sa usag usa.
Bisan pa man sa maong pagbulag, gihulagway gihapon ni Bela si Tan nga usa sa labing maalamon ug kaakit-akit nga tawo nga iyang nailhan, samtang nagpasalamat usab kini sa suporta ug pagrespeto sa ilang pribadong kinabuhi gikan sa iyang mga tagdayeg.