Nakatakdang makapahimulos ang kapin 337,000 ka mga mamumuo sa pribadong sektor sa Central Visayas gikan sa giaprubahan nga ₱42 nga dugang-sweldo kada adlaw nga magsugod karong Oktubre 14, 2026.
Subay sa bag-ong wage order gikan sa National Wages and Productivity Commission (NWPC) ug Department of Labor and Employment (DOLE), mosaka ngadto sa ₱582 kada adlaw ang minimum wage alang sa Class A areas (expanded Metro Cebu), samtang mahimo usab nga ₱542 kada adlaw sa Class B areas nga naglakip sa uban pang bahin sa Sugbo, Bohol, Negros Oriental, ug Siquijor.
Dugang pa niini, gipataas usab ang buwanang suholan sa mga katabang sa balay sa rehiyon ngadto sa ₱7,500 gikan sa kaniadto ₱7,000. Giaprubahan ang maong mando human sa gipahigayong konsultasyon ug public hearings sa Regional Tripartite Wages and Productivity Board (RTWPB VII) kauban ang mga representante sa labor ug management sector.