Duha ka bag-ong klase sa sea spider, nadiskobrehan

Duha ka bag-ong klase sa sea spider ang nadiskobrehan sa mga siyentista sa Salish Sea, tali sa British Columbia sa Canada ug Washington sa Estados Unidos.

Usa niini adunay taas ug kurbadong mga tunok sa ubos nga bahin sa mga tiil, pula nga mga mata ug talagsaong baba nga adunay tulo ka bahin.

Ang ikaduhang klase kasagarang adunay gagmayng parasito, hugaw ug debris nga mokupot sa lawas tungod sa limitado nga abilidad niini sa paglimpyo sa kaugalingon.

Sumala sa mga researcher, kini ang unang bag-ong sea spider species nga pormal nga gihulagway sa maong lugar sulod sa hapit 100 ka tuig, ug gituohang aduna pa’y uban pang wala pa madiskobrehan.