Gipangita karon sa kaporisan sa Valencia City ang usa ka 48-anyos nga lalaki human niini gidunggab sa makaduha ka higayon ang iyang ka-inom diha sa Purok 17A, Barangay Poblacion, Valencia City, Bukidnon kaniadtong Huwebes sa kadlawon, Setyembre 24, 2026.
Subay sa report ni Bukidnon Police Provincial Office (BPPO) Director PCOL Oliver Sotto Navales ngadto kang Regional Director PBGEN Nestor C. Babagay Jr., nag-inom ang 49-anyos nga biktima ug ang suspek sa dihang naglalis kini samtang parehong hubog. Miresulta sa sukmagay ang maong lalis hangtod nga nagbunot og kutsilyo ang suspek ug gidunggab ang biktima sa iyang likod.
Dali nga gidala sa Malaybalay Provincial Hospital pinaagi sa DRRMO ambulance ang biktima ug luwas na kini karon sa peligro. Samtang, padayon ang gipahigayong hot pursuit operation sa Valencia City Police Station alang sa pagdakop sa maong suspek.