UN Sec-Gen, nanawagan nga tapuson na ang mga gubat

Nanawagan si United Nations Secretary-General Antonio Guterres sa mga lider sa kalibutan nga pangitaag solusyon ang nagpadayong mga gubat ug kagubot sa nagkalain-laing bahin sa kalibutan.

Sa iyang pakigpulong sa 2026 United Nations General Assembly sa New York, gipadayag ni Guterres ang panginahanglan nga sulbaron ang gubat sa Middle East, ilabi na ang sitwasyon sa Gaza diin daghang residente ang nawad-an og mga pinuy-anan.

Gidugang usab niini ang accountability ug hustisya isip lakang padulong sa malungtarong kalinaw.

Subay niini, gihagit ni United Nations Secretary-General Antonio Guterres ang mga lider sa nagkadaiyang nasod nga gamiton sa husto ang ilang katungdanan, lakip ang responsableng pagkontrol sa Artificial Intelligence o AI.