Gipahugtan sa Police Regional Office 10 (PRO-10) ang ilang pahimangno ug kampanya alang sa responsable nga paghupot ug pagtago og armas human sa mga naasoy nga insidente diin naka-akses ang mga batan-on sa mga legal nga armas sulod sa ilang mga puy-anan.
Sa pakighinabi sa Bombo Radyo kang PMaj. Joann G. Navarro, tigpamaba sa PRO-10, gipahayag niini nga pinaagi sa Regional Civil Security Unit 10 (RCSU-10) ug sa pakig-alayon sa mga gun club, hugot nilang gipahimangnoan ang mga licensed gun holders nga magmatngon ug tiunay nga limitahan ang akses sa kagamitan.
Gipatugbaw ni Navarro nga bisan pa man kun maayong orientahon ang mga kapamilya bahin sa seguridad aron dili ilhon ang armas isip dulaan, ang lisensyadong tag-iya ra gayud ang angay nga makatago ug makahawid niini aron malikayan ang bisan unsang disgrasya o trahedya sulod ug gawas sa panimalay.