Nasikop sa kapulisan ang duha ka wanted person sa separadong operasyon sa Malaybalay City ug Valencia City, Bukidnon niadtong milabay’ng adlaw.
Una nga nadakpan si 21-anyos Lawrence L. Manaday, nga giilang Top 8 Most Wanted Person sa provincial level ug Top 9 sa city level, sa operasyon sa Purok 2, Barangay 2, Malaybalay City takna alas-10:39 sa buntag niadtong September 21.
Gipangita si Manaday pinaagi sa warrant of arrest alang sa kasong fencing ubos sa Section 3-A in relation to Section 2 sa Presidential Decree No. 1612, diin adunay girekomendang piyansa nga P108,000.
Samtang, nadakpan usab si Alberto B. Titular sa dakbayan sa Valencia niadtong milabay’ng adlaw usab pinaagi sa warrant of arrest alang sa kaso nga act of lasciviousness.
Samtang walay girekomendang piyansa alang sa kasong giatubang ni Titular.
Sa pagkakaron, ang duha anaa na sa kustodiya sa Malaybalay City Police Station ug Valencia City Police Station alang sa dokumentasyon ug hustong disposisyon.