Mikabat sa P432,900 ang gibana-banaang kantidad sa mga gipalusot nga smuggled cigarrettes ang nasakmit sa buy-bust operation sa mga otoridad sa Barangay Bauk-Bauk, Balingoan, Misamis Oriental niadtong milabay’ng adlaw.
Nasikop ang 48-anyos nga lalaki nga giila lamang sa alyas “Engson,” single, walay trabaho ug residente sa ,maong dapit, atol sa operasyon nga gipahigayon sa CIDG Misamis Oriental/Camiguin PFU, ug uban pang yunit lakip na sa Balingoan MPS ubos sa OPLAN MEGASHOPPER.
Nakuha gikan sa suspek ang 133 ka reams sa nagkalain-laing brand sa sigarilyo ug duha ka master case sa Cannon Menthol ug Modern cigarettes, lakip ang boodle money, improvised receipt ug P500 nga gigamit isip buy-bust money.
Giatubang karon sa suspek ang kasong paglapas sa Republic Act 8293 o Intellectual Property Code of the Philippines ug giandam na alang sa tukmang disposisyon.