Nanawagan si Caloocan Bishop ug Catholic Bishops’ Conference of the Philippines (CBCP) president Pablo Virgilio Cardinal David sa goberno nga maghimo og konkretong lakang aron masumpo ang nagkadakong problema sa online gambling sa nasud.
Matud ni Cardinal David, nga daku ang epekto sa online gambling tungod kay bisan kinsa diin lakip ang mga kabataan nga pweding makaduwa niini. Labi na karon nga halos tanan adunay access sa teknolohiya sama sa cellphone ug internet.
Gibatikos usab sa Cardinal ang desisyon sa gobyerno nga gibawal ang offshore gaming apan gihimo hinuon nga legal ang mga online gambling platforms sa Pilipinas.
Ilang ginadala ang mga inosente ug desperado sa usa ka lapad nga digital nga natad sa sugal, sulti ni Cardinal David.
Giisip usab niya nga daw mga “pushers” ang mga celebrities ug influencers nga nag-promote sa mga online gambling apps ug websites.
Sa pagsuporta sa panawagan nga pugngan ang online sugal, nagsumite og panukalang balaod si Senator Sherwin Gatchalian nga nagtumong sa paghugot sa regulasyon niini.
Subay sa panukala, kinahanglan nga 21 anyos pataas ang edad sa makaduwa ug obligadong ipakita ang ID.
Gawas pa niini, gikatakda usab sa panukala nga ang minimum nga pusta (bet) nagktidad og P10,000 ug ang minimum nga top-up anaa sa P5,000 aron makalikay nga nan ilabi na ang kabus – makaduwa sa online gambling.