Gumikan sa sunod-sunod nga pag-aresto sa mga personahe sa gobyerno diin nagpayuhot sa illegal nga droga sa probinsiya ipatuman sa kagamhanang lokal sa Valencia ang pagpaubos sa hair follicle test alang tanang kawani sa maong syudad.
Matud kanhi mayor Jun Galario, Consultant ni Valencia City Mayor Elect Amie Galario, mandato sa city government nga ipa ilawom sa maong drug test ang tanan department heads ingun man ang mga job orders, casual employees sa dakbayan.
Gidugang ni Galario, nga ang dili musunod sa maong kamanduan mamahimong pasakaan sa reklamo ngadto sa Grievance Committee.
Giduso usab ni Galario, nga kung adunay magpositibo nga kawani sa gobyerno sa maong drug testing kini posibleng mag-atubang og igong silot o di ba kaha pagtangtang niini sa trabaho o posisyon.