Patay ang usa ka lalaking mag-uuma human kini gipusil samtang nagpahigayon ug spray sa umahan.
Base impormasyon nga nakalap sa Bombo Radyo Malaybalay, nahitabo ang pagpamusil pasado alas 7 sa buntag sa Sitio Nakadulog, Barangay Kibangay, Lantapan Bukidnon.
Giila ang biktima nga si Nerio Gonzaga Rebuta, 58 anyos, mag-uuma, minyo, ug residente sa nahisgutang lugar.
Nasayran nga kalit lamang giluthang sa wala pa mailhing suspetsado ang biktima samtang nagtrabaho sa uma niini.
Giingong dunay kumosyon nga natiagyon tali sa duha, sa wala pa kini gipusil sa maong armado nga lalaki.
Nakaangkon sa samad pinusilan sa dughan ang bikitma nga maoy hinungdan sa iayng kamatayon.
Dali usab nga niikyas ang maong supetsado sa wala matino nga direksyon.
Nakuha sa crime scene ang duha ka basiyo sa bala sa kalibre 9mm nga armas de fuego.
Nagpadayon pa ang masubsub nga imbestigasyon sa mga otoridad..