Presyo sa lana, posibleng mosaka og hapit P6 kada litro sa Septiyembre 15

Gilauman ang laing dakong pagsaka sa presyo sa mga produktong petrolyo karong Martes, Septiyembre 15, diin posibleng mosaka og hapit P6 kada litro ang gasolina.

Ang maong pagsaka giingong hinungdan sa nagpadayong tensyon sa Middle East nga nakaapekto sa presyo sa krudo sa international market.

Kung matuman, dugang kini nga palas-anon sa mga motorista ug mahimong mosangpot usab sa pagsaka sa gasto sa transportasyon ug presyo sa ubang mga produkto ug serbisyo.